張秀文：誓神劈願唔追我嘅咪又係追我！

【轉】12歲已經 Ecup 新波霸賣堅料

12歲已經 Ecup　新波霸賣堅料

2014年07月31日



Facebook : https://www.facebook.com/anitachuifanspage
微博: http://www.weibo.com/chuianita
Instagram: https://instagram.com/anitachui

崔碧珈深知自己身材係賣點，今個夏天已買了超過 30套泳衣。當日拍攝亦係着私伙上陣，日日做運動嘅佢，冇縮肚都隱約見到腹肌。＃崔碧珈＃三點式＃ 36E 


想紅？唔使用劍嘅！有事業線就得。 26歲太陽娛樂新人崔碧珈 Anita，雖然入行只有幾個月，新戲《辣警霸王花》亦未上映，但佢憑住純天然 36E導彈級身材，一曝光已經轟動。
人稱Ⴡ版葉子楣，又叫 G奶謝安琪，但 Anita唔係有波無腦Ⴡ模，本身喺英國名牌大學 University of Sheffield修讀 Business Management碩士課程，加上屋企做製衣生意，真係集身材、學識同叠水於一身。原先諗住做 Banker嘅 Anita，因為鍾意表演事業所以入行，喺新戲《辣警霸王花》要加墊到 H級做巨咪差婆，只希望吸引到巴打睇佢做戲。「我中一 12歲已經係 E Cup，൱家係 36E。我唔怕畀人望，因為好身材係上天畀我嘅 gift！我唔介意畀人話肉彈，都係一個形容詞啫！但希望大家睇埋我其他才華。」才華要慢慢發掘，身材一眼睇晒咁囉！

純天然 E cup

拍照當日沙灘有唔少猛男圍觀，但崔碧珈亦當睇唔到，她說：「有少少驚啦，以前細個真係驚俾人望住，最怕上 PE堂。」

崔碧珈唔介意畀人叫翻版葉子楣或者 G奶謝安琪。她說：「都係一個綽號啫，起碼有人認識咗先啦！」真係識諗。
＃ G奶謝安琪＃翻版葉子楣＃波霸

崔碧珈老豆喺大陸有幾間製衣廠，算係富家女，但絕冇小姐脾氣。 34度天氣叫佢瞓喺辣手嘅沙灘上擺甫士都冇扭擰。

上年經朋友介紹加入太陽娛樂，獲 Paco相識，即拍電影《辣警霸王花》；同另一新人《香港仔》演裸女護士嘅蔡潔（右）亦相當老友。

身高 168cm嘅崔碧珈曾經係肥妹仔一名，她說：「喺英國返嚟嗰陣 140磅，經過大約半年時間狂做運動，൱家 112磅，但我目標係 105磅。」

新戲《辣警霸王花》內， 36E身材嘅崔碧珈（右）飾演女警，但導演錢國偉為加強效果，要崔碧珈加墊去到 H級。

【轉】冇錢搭的士 唔願返屋企 醉酒齊昕：帶我去邊度玩

冇錢搭的士　唔願返屋企　醉酒齊昕：帶我去邊度玩

2015年02月25日

成班人打邊爐熱辣辣，齊昕無啦啦都攞咗李逸朗頂帽嚟戴，超貪玩。見到記者突然衝入嚟影相都唔算太驚訝，又幾淡定喎！《蘋果日報》圖片

梁特首女齊昕你永遠估佢唔到，由喺 fb及 ig跟網民開火，到接下曾拍三級片導演的新戲，齊昕行為確係好難捉摸。
更估唔到係齊昕身為 689女兒，又喺倫敦政治經濟學院修讀法律系，原來表面風光，上週現身撐李逸朗音樂會，打的到場竟然要問阿 Don助手借錢找數。
而且特首女兒原來相當爛玩，當日睇騷再食宵夜加埋 5粒鐘，齊昕仲未玩夠，四圍問人仲有冇下場。咁唔想返屋企，為乜呢？
24歲梁齊昕夠晒難捉摸。上週一（ 16日）突然現身李逸朗演唱會，打的到場的齊昕，忽然問接她入場的李逸朗助手阿端借兩蚊找的士錢，齊昕入場後大方露埋乳貼聽歌，完騷又同 Don直落慶功食雞煲打邊爐。當晚自稱一滴酒都冇飲兼鬧記者「黐孖筋」的齊昕，據在場人士透露，齊昕真係冇飲「一滴酒」，而係一到場便攞住支威士忌吹喇叭好豪氣。

梁齊昕以超 deep V撐阿 Don場，被記者追訪期間，連膠紙移位都唔知。

呢期阿 Don咁 hit，佢幾乎次次現身都戴呢種紳士帽，唔知會唔會帶領潮流呢？

齊昕專登嚟撐李逸朗，專心到連乳貼露咗都唔知。

慶功獨家絕密圖片　齊昕狂食內臟

齊昕原來都幾飲得，喺場內除咗狂食內臟，又飲 Jack Daniel，認真好酒量。

豬肺

雞子

新傷似界手

齊昕左手臂有新傷痕，不過佢冇避忌用衫遮掩。

齊昕亦試過疑似割脈，更上載到 instagram。網上圖片

689全家馬代過年

《蘋果日報》圖片
梁齊昕嚟緊拍戲，老豆梁振英同大仔梁傳昕就被市民拍得喺馬爾代夫旅行散心，有指此行是一家五口到馬代過年，但齊昕蹤影就未被拍得！幾時再見到齊昕呀？

「我哋幾時對戲呀？」

梁齊昕唔只想做 model，下月 8日仲會正式為新片開工，曾執導過三級片的導演劉俊輝（右二）好有信心齊昕會順利拍完。女一齊昕戲中仲會同李逸朗談情添！
當晚除咗枱面有紅色萬寶路煙盒同 Jack Daniel威士忌外，半醉齊昕一見打邊爐亦相當興奮，一邊用筷子狂撩，一邊講：「我最鍾意食內臟。」又問 Don「雞子」究竟係乜，結果鬼妹仔齊昕勇敢試食人生第一粒雞子後即說：「 Oh，有汁嘅？」
齊昕唔只鍾意內臟，對於李逸朗亦顯得相當 like，除咗上台送公仔、賀卡外，宵夜期間仲坐喺阿 Don隔籬，失驚冇神攞埋阿 Don頂帽戴，更同阿 Don講：「我收到劇本喇！我哋幾時對戲呀?」不過阿 Don冇因為齊昕身份而特別遷就，講笑說：「你食雞子啦你！」對於呢位熱情特首千金，阿 Don回應本刊時就好維護：「佢話想對吓戲，大家排練吓好啲，但我最近真係冇時間，我覺得齊昕其實好大壓力，唔好用癲喪去形容佢，對佢嚟講唔公平，佢未至於係咁。」

黐住阿 Don坐

上週一（ 16日） Don開完音樂會，拉大隊去西環食豬肚雞煲，期間齊昕不斷撩阿 Don吹水飲酒，就算 Don過枱同其他工作人員慶祝，齊昕都會急呼 Don歸位。除 Don外，齊昕亦跟同屬基督教徒的 Kitty媽好好傾，至於同枱的應昌佑，則以身體不適為由早走。

唔使靠師傅指點

除了現場飲得豪氣外，齊昕亦多次問 Don宵夜後「帶我去邊度玩？」，可惜 Don飲飽食醉後決定返屋企。周圍撩玩失敗，齊昕臨離開仍扁扁嘴眼濕濕說：「個個都走晒喇？」千不情萬不願才返回禮賓府。
至於當晚比齊昕更早走的李逸朗，近排可謂風頭人物！憑〈傻女〉翻 hit工作不斷，嚟緊仲有兩部電影拍，不過有指最近翻 hit，全因有奇門遁甲師傅張芯熏指點。
對於此事，張芯熏師傅透過助手話不便回應，而身為基督徒的李逸朗亦否認此事，他說：「我係識張師傅，係幾年前經朋友介紹，當時搵過佢幫我擺貔貅陣，後來我信咗主啦，我覺得靠自己好啲，呢次〈傻女〉哭腔係藝術創作，絕對冇請求堪輿師傅。如果請教師傅都唱成咁，咁呢位師傅都好有問題。」 Don咁風趣，難怪齊昕咁 like你啦！
有傳奇門遁門師傅張芯熏，教阿 Don擺陣谷旺事業兼唱哭腔〈傻女〉，不過阿 Don就否認說：「幾年前搵過佢擺貔貅陣。」而張芯熏則透過助手表示不回應。

張芯熏師傅

李逸朗擺貔貅陣翻 hit？

梁齊昕好明顯對李逸朗印象唔錯，除咗撐場外，仲成日撩對方對戲，可惜阿 Don話冇時間喎。

李逸朗開騷唔夠 15分鐘，梁齊昕突然現身，幾乎搶鏡過當事人。

〈傻女〉導演版有超過 40萬點擊，不過新歌〈夜機〉暫時只得過千，阿 Don要諗吓計谷吓喇！ YouTube畫面

有傳齊昕為男友 Michael而停學回港，齊昕亦因遭本刊踢爆而大發雷霆。網上圖片

李逸朗憑〈傻女〉彈起，即有機會上大台，早前《超級巨聲 4畢業演唱會》，阿 Don仲可以個人表演，人紅待遇係唔同啲。電視畫面

齊昕咁爛玩　去邊度蒲先啱？

齊昕當晚蒲到凌晨兩點都唔想返屋企，不過當晚冇人陪佢癲所以被迫返歸，但即使有人陪，其實咁夜都唔知有咩地方好去，以下幾個地點希望幫到齊昕解悶啦！

旺角黑夜

《蘋果日報》圖片
齊昕咁親民又玩得，最啱落 MK感受下旺角黑夜嘅熱鬧，雖然咁夜冇得鳩嗚，但可能仲有子夜場睇吓，包佢唔會悶。

酒吧睇波

齊昕喺英國留學，自然對足球文化好有認識，落到酒吧齊齊捧皇馬，再大聲爆粗啱晒佢！

大東山捕發哥

凌晨兩點冇嘢做，齊昕又可以行上大東山睇日出，以齊昕步程，兩點開始，上到山應該啱啱好，仲可以隨時捕獲發哥，影張相 po上 fb呃 like！

Come on CY！設計對白

政總靜坐

雖然「雨傘運動」結束，不過齊昕都不妨去門口草地坐吓，感受吓點解咁多人憎佢老豆。

墳場鬼故

齊昕咁大膽，夜媽媽悶悶哋不妨去墳場坐吓，思考吓人生意義，話唔埋諗到新戲嘅演出方法，分分鐘攞埋影后。

泰國冷待大婆 借全家阻老公失敗 洗米華提早離隊見 Mandy

泰國冷待大婆　借全家阻老公失敗　洗米華提早離隊見 Mandy
2015年01月01日


27/12周焯華曬太陽，不忘睇書自我增值，所閱讀的《向林肯學領導》，於本月初出爐，提供了這位第十六任美國總統的領導技巧。

Mandy Lieu搭上太陽娛樂老闆周焯華，二廠跟正牌周太陳慧玲不斷隔空過招。最新戰況，正印、小三同時懷有華種， Mandy Lieu單拖到養和求診，陳慧玲則拖實老公去拍賣會，論牌面，小三輸晒。
恃住佗有周家慈姑椗，仲傳係孖仔，華嫂再出動老爺、仔女箍老公到泰國過火辣聖誕，日日 fb晒一家大細幸福合照，全面宣示主權。表面又贏漂亮一仗，實質今次芭堤雅、曼谷之旅，兩夫妻除了大隊食飯，其他時間幾乎各有各，有四個半月肚的華嫂全程 mark實囡囡周梓潼同老爺，至於周焯華則膽拖囝囝周柏豪，同友人曬太陽、打波、蒲 gym房，比起上月 Mandy Lieu化身人肉坐墊，任周焯華背頂胸坐大髀，親密度天與地。
本週一（十二月二十九日），被正印挾住同老豆慶祝生日的周焯華先行離開曼谷，撲往新加坡見又係有咗，佗 B女四個半月的 Mandy。一日未正式斬纜，小三未輸得晒！

精心布局
佗住孖 B，周太陳慧玲階段勝利！再打親情牌，睇準老公周焯華愛錫家人，大小家庭聚會必定現身，於是趁老爺生日、仔女放假，安排聖誕遊泰國，順理成章宣示正印大時大節可與老公、家人共度的獨有特權。
「華嫂知道老公鍾意人多熱鬧，又鍾意家庭樂，自從 Mandy出現，要挾老公遊埠過二人世界已經好難，反而家庭聚會就一定俾時間出嚟，老爺生日，華嫂機不可失，安排舉家外遊，老公要見 Mandy，都冇咁易話去就去！」知情人說。
周家連親朋戚友一行十多人，於平安夜（二十四日）起程往泰國。
首站是芭堤雅，大隊入住當地五星級的 Royal Wing Suites& Spa酒店，領隊的周焯華一家五口，更住在租金高達港幣一萬六千二百元一晚的總統套房內。
上週六（二十七日），當地時間早上九時半，周焯華單拖現身酒店泳池曬太陽，一邊扯煙，一邊睇今個月才出版的《向林肯學領導》，乾煎四十五分鐘後返上房。至十一時，練到一身肌肉的他，孭住背包到健身室，同友人一起做 gym一小時，之後再去網球場會合同元配所生的大仔周柏豪，在私人教練的陪同下一齊打波。
現場所見，周焯華揮拍勁度十足，絕非新手。烈日當空下，大戰兩個半小時，才捨得離開。
老公晨早出動，著住粉紅色流蘇長裙的陳慧玲，到下午三時才現身，在酒店大堂對出的戶外地方透透氣，四個月孖 B肚，明顯又大又圓，華嫂邊行邊護肚，小心翼翼。


現真肚佗孖 B四個半月的陳慧玲，肚皮渾圓明顯隆起。


遊泰國期間，陳慧玲透過繼子上載同老公合照晒恩愛，鏡頭後兩人實質甚少交流。


上落樓梯陳慧玲分外小心，不時以手護肚。


透過經理人承認有喜的 Mandy Lieu，在周焯華的安排下，離港安胎。


精力無比的周焯華之後再落場同囝囝打足兩個半小時網球。


在泰國期間，兩父子經常孖咇打波、健身。


在健身室練足一小時無停手的周焯華，主力操四頭肌以及背肌。


唔拖唔理
做 gym打波出一身汗，梳洗過後，周焯華同友人落樓，華嫂被安排與囡囡、老爺，以及太陽娛樂高層黃栢高同車離開，至於周焯華則跳上另一部七人車，由當地警車開路，齊齊前往市中心的中式泰菜館「張龍記」醫肚。周焯華做先頭部隊，大住肚的華嫂由囡囡和老爺傍實，殿後入場。
連日行程無乜兩句的周氏伉儷，食完飯罕有孖住囡囡三人行，到附近會合食完泰菜，再去掃街邊小食的大仔周柏豪。大肚婆無論行去邊，老公周焯華都視而不見，唔單只冇拖實老婆過馬路，兩人的對話亦有一句、沒一句，表現疏離。


老爺幫手箝藉老爺生日同仔女放假，陳慧玲挾老公泰國陪玩，阻對方見小三。


陳慧玲同繼子、囡囡有傾有講，周焯華刻意殿後，盡量少接觸。


老婆粗身大細，周焯華闊佬懶理，當面扯煙。


陳慧玲安排與老爺及囡囡同車，至於周焯華則與友人乘坐另一架七人車。


乜都爭
爆出 Mandy Lieu搭上周焯華後，不足半年來，正印與小三招來招往，爭樓爭寵爭去旅行爭住大肚，總之乜都爭。

伴遊


9月， Mandy Lieu被拍到做跟得女友，坐頭等陪周焯華飛紐約，其後再被爆二人結伴遊台北，正印陳慧玲亦不甘示弱，生日有老公組團去歐洲豪玩豪食，更在當地包下餐廳放滿玫瑰花，為太太大搞 party。

講金
得寵乜都得！ Mandy收億元西半山豪宅，又於吉隆坡娘家獲贈獨立屋；周焯華亦識做氹番大婆，科水讓對方開果汁店、託兒所，再打本 500萬搞美容生意。




爭大肚

正印陳慧玲被爆懷有「華種」四個月，來港豪掃 BB用品，同日 Mandy Lieu亦出招，獨自到養和睇急症，掩嘴作嘔，傳佗女四個月。

賀壽速撇
當日黃昏，大隊分三架車由芭堤雅啟程往曼谷，入住 Siam Kempinski酒店，一家五口同樣指定住總統套房。
翌日（二十八日）上戲肉！一身潮 look打扮的華嫂，晚上七時先同囡囡在酒店聖誕樹前自拍，等埋周焯華同囝囝，一同前往餐廳為老爺慶生。當晚，華嫂急不及待上載生日蛋糕照到社交網站，並留言：「還有什麼比一家人開開心心更重要？」宣示正印的身份。
本週一（二十九日），早睡早起的周焯華未夠十一時，便與友人由 Siam Paragon行返去酒店，並隨即跳上在門外等候的七人車，乘搭下午一時的航班前往新加坡，探望出走香港、佗住四個半月 B女的 Mandy Lieu。
「阿嫂嘅用意，華哥又點會唔知，話晒佢佗住自己骨肉，唯有盡做，交完差，就話有嘢做，提早走人。」一名周焯華身邊人士透露。至於華嫂同一對子女以及老爺，翌日（三十日）下午四時亦乘搭私人飛機返回澳門。


遊泰國期間，陳慧玲日日上載 fb匯報行踪。



29/12本週一中午，周焯華撇低妻女，離開曼谷，飛新加坡見 Mandy Lieu。


同日下午四時，陳慧玲孖住老爺、囡囡外出，全程悶悶不樂。


30/12本週二下午，陳慧玲帶住老爺、繼子及囡囡，一家四口乘坐私人飛機返回澳門。

早有芥蒂
周焯華有錢有地位，加上相頭有番咁上下，異性緣一直暢旺，但無論點玩，都一定俾面老婆，定時定候交人。直至 Mandy Lieu出現，兩人愈愛愈高調，小三更先後在香港、大馬收過億物業，自覺正印身份受威脅的陳慧玲，開始頻頻出招。
齊人福唔易享，但最令周焯華氣難下的，是十一月中， Mandy Lieu在私人賭廳內扮人肉坐墊片流出，有傳拍片人與正印分屬老友，自覺生意人形象大受影響的周焯華，同正印開始有嫌隙，加上 Mandy兩度被人整蠱爆門入屋，更加覺得有人從中作梗。
表面上，周焯華對 Mandy Lieu佗 B一事表現得毫不上心，但實際上他已安排大肚婆離港安胎，而另一邊廂，又盡量滿足正印各種要求，務求令雙方和平共處。
人在正印心在小三，隨着兩女的肚皮愈來愈大，夾在中間的周焯華，有排煩！


十一月 Mandy化身周焯華的人肉坐墊，片段流出，男方對此事耿耿於懷。


十二月初， Mandy拎住行李到養和求診，後來證實佗 B女四個月。（《蘋果日報》圖片）

大肚拑老公
為拑實老公，不少圈中女星都甘願放棄事業身材，試圖以大肚絕招，趕走小三。

陳伶俐


跟前夫林敏驄育有兩子的陳伶俐， 12年改嫁新加坡隱形富豪胡嘉烈後人劉頌銘，同年爆出男方外出偷食，搭上 21歲落選港姐，為箍實老公，陳伶俐今年七月為劉家誕下慈姑椗，加固豪門少奶地位。

郭可盈


林文龍郭可盈 09年傳婚變，男方被爆搭上內地女星董維嘉，郭可盈不計前嫌還甘願做高齡產婦， 10年誕下愛女 Tania，放棄事業專心湊女，夫妻感情大幅改善。

梁洛施


09年為男友李澤楷誕下兒子李長治後二人屢傳分手，為綁實男友，有傳梁洛施偷食多仔丸，設局懷孕，自製機會再為李家誕下雙胞胎，可惜即使生完再生，仍未能挽留這段戀情，二人於 11年分手。

蔣麗莎


11年在橫店拍劇狼吻陳嘉桓，形象插水的陳浩民要拖大肚老婆蔣麗莎開記招鞠躬道歉，本性難移，之後再斷正搭上同劇演員宮媛，為挾實老公，蔣麗莎唯有密密生，兩人至今已育有一子兩女。